Rritje e fluturimeve dhe udhëtarëve në aeroportin “Adem Jashari”

Aeroporti Ndërkombëtar i Prishtinës Adem Jashari ka shënuar rritje të fluturimeve dhe numrit të udhëtarëve në janar 2026.

Gjatë këtij muaji u realizuan 1,158 fluturime, 1.8% më shumë se një vit më parë, ndërsa numri i udhëtarëve arriti në 358,930, duke shënuar rritje prej 4.5%.

Rritja është evidentuar si në ardhje ashtu edhe në nisje, me një shtim më të theksuar të udhëtarëve që largohen.

Të dhënat tregojnë për një kërkesë në rritje për udhëtime ajrore dhe zhvillim të qëndrueshëm të sektorit në Kosovë.