Llogaritë që hapësira është e sigurt të mbushej me beton s’u dolën të sakta.
Kjo sipërfaqe betoni në këtë vendpunishte në Prizren u shemb, pak pasi u vendos.
Dëmet s’janë veç materiale.
Gjashtë punëtorë janë lënduar në këtë vendpunishte në Prizren pasi pllaka e betonit mbi të cilën po punonin, u shemb.
Katër nga ta tashmë janë hospitalizuar me lëndime serioze, ndonëse janë jashtë rrezikut për jetën.
Rastin e ka konfirmuar edhe Policia, e cila ka nisur hetime për zbardhjen e rrethanave.
Ndërkohë një vendim për këtë ngjarje kane marrë Inspektorati Qendror i Punës.
“Pas rastit, Inspektorati Qendror i Punës ka ndaluar punimet në këtë objekt, me qëllim të parandalimit të rreziqeve dhe garantimit të sigurisë dhe shëndetit të punëtorëve në vendin e punës”.
E, Prokuroria Themelore e Prizrenit nuk ka bërë të ditur nëse ka ndërmarrë ndonjë veprim.
