Të shtënat me armë zjarri në Komoran, flasin nga policia

Të shtëna me armë janë raportuar sot pasdite para qendrës së votimit në fshatin Komoran të Drenasit.

Zëdhënësja e Policisë së Kosovës, Flora Ahmeti, ka konfirmuar se rasti ka ndodhur rreth orës 14:30 në rrugën “Shpëtim Robaj” në Komoran.

“Nuk raportohet për persona të lënduar. Me të marrë informatën, policia ka dalë në vendin e ngjarjes, ku ka konstatuar se ka pasur të shtëna me armë dhe raportohet vetëm për dëmtim prone (veturë). Dy persona të përfshirë në rast janë shoqëruar në stacion policor. Aktualisht po punojmë për zbardhjen e rrethanave dhe motiveve që karakterizojnë ngjarjen. Bazuar në të dhënat e deritanishme, incidenti nuk lidhet me procesin e zgjedhjeve”, ka deklaruar Ahmeti.

Policia po vazhdon hetimet për të sqaruar plotësisht motivin dhe rrethanat e rastit.