Ministria e Jashtme në Berlin u ka bërë thirrje shtetasve gjermanë që të largohen nga Irani, për shkak të frikës nga një përshkallëzim i mundshëm mes SHBA-së dhe Republikës Islamike .
Sipas autoriteteve, ende ka fluturime komerciale dhe mundësi daljeje përmes rrugëve tokësore.
Aktualisht, disa qindra shtetas gjermanë ndodhen ende në Iran, ndërsa Ambasada gjermane në Teheran po operon me staf të reduktuar dhe mund të ofrojë vetëm ndihmë të kufizuar konsullore.
Ndërkohë, Bundeswehr ka reduktuar më tej personelin e tij në Irbil të Irakut, duke lënë në terren vetëm stafin e domosdoshëm. Masa të ngjashme janë marrë edhe nga Norvegjia, e cila ka kthyer në atdhe disa nga ushtarët e saj në rajon, për shkak të situatës së tensionuar të sigurisë në Lindjen e Mesme.
