Tjetër sulm amerikan ndaj një anijeje të dyshuar për drogë, 4 të vdekur

Ushtria amerikane tha të mërkurën se sulmoi një anije të dyshuar pwr kontrabandë droge në Oqeanin Paqësor lindor, duke vrarë katër persona.

Kjo ndodhi në të njëjtën ditë që Dhoma e Përfaqësuesve hodhi poshtë përpjekjet për të kufizuar fuqinë e Presidentit të SHBA-së Donald Trump për të përdorur forcën ushtarake kundër karteleve të drogës.

Komanda Jugore e SHBA-së deklaroi në një njoftim për shtyp dhe në mediat sociale se anija drejtohej nga narko-terroristë përgjatë një rruge të njohur trafikimi.

Ushtria nuk dha prova për akuzat, por postoi një video të një anijeje që lëvizte nëpër ujë para se të ndodhte një shpërthim.

Sulmi e çoi numrin total të goditjeve të njohura të anijeve në 26, në të cilat të paktën 99 persona janë vrarë, sipas shifrave të shpallura nga administrata Trump.