Një skenë e veçantë romantike ka ndodhur mbrëmë në Prishtinë. Ushtari i Forcës së Sigurisë së Kosovës, Atdhe Aliu, ka vendosur që përvjetorin e dashurisë me partneren e tij ta shënojë me një propozim martese që do të mbahet mend gjatë.
Ngjarja ndodhi në katin e sipërm të parkingut afër QKUK-së, ku Atdheu i kishte thënë të dashurës se do të kalonin një mbrëmje të qetë vetëm për të dy, duke shijuar pamjen e qytetit.
Por surpriza e vërtetë filloi kur aty mbërritën tri vetura dhe nga njëra u hap bagazhi ku shkëlqente mbishkrimi “Be my wife” (Bëhu gruaja ime).