Një video e rrallë, në të cilën për herë të parë shfaqen pamje të qarta nga një fis i izoluar i Amazonës, u prezantua nga ambientalisti amerikan Paul Rosolie gjatë një interviste në një podcast.
Siç shpjegoi Rosolie, i cili ka kaluar dy dekada duke punuar në Amazonë, kjo ishte një nga përvojat më intensive të jetës së tij.
Sipas tij, deri më tani pamjet nga fiset që nuk kanë pasur kontakt me botën e jashtme kanë qenë të paqarta, zakonisht të filmuara nga distanca e largët, ndërsa kjo video është regjistruar nga afër dhe me cilësi të lartë.
Në pamje, fisi shfaqet në një plazh, i rrethuar nga një “re” fluturash. Anëtarët e tij lëvizin me kujdes, duke vëzhguar të huajt dhe duke u përpjekur të vlerësojnë rrezikun e mundshëm.
Ambientalisti amerikan përshkroi se i ndiqte me vëmendje gjuhën e trupit, ndërsa ata mblidheshin në formacion duke mbajtur armë.
“Shikoni mënyrën si lëvizin. Shikoni mënyrën si tregojnë. Shikoni atë me hark. Unë shikoja nga të gjitha drejtimet… dhe mendoja: nga do të vijë shigjeta?” tr egoi ai.
Megjithatë, situata u qetësua, pasi anëtarët e fisit ulën armët dhe tensioni u kthye në kureshtje ndaj vizitorëve të panjohur.
“Këta janë luftëtarë… dukeshin vërtet gati për dhunë. Dhe tani qëndrojnë të qetë… dhe buzëqeshin”, t ha Rosolie.
Studiuesit vlerësojnë se ende ekzistojnë rreth 200 fise të izoluara në mbarë botën, shumica e të cilave ndodhen në pyjet tropikale të Amazonës në Brazil dhe Peru.
NEW: Never-before-seen footage of an uncontacted Amazonian tribe has been released by author Paul Rosolie on Lex Fridman's show. The tribe was seen lowering their weapons before they were given a canoe of food. Rosolie is a conservationist who has reportedly spent two decades… pic.twitter.com/a0WF9O2Pof
