Izraeli eliminoi negociatorët iranianë, ironizon Trump: Nuk vdiqën nga gripi apo COVID-19

Izraeli ka eliminuar të gjithë negociatorët iranianë që kanë marrë pjesë në bisedimet me SHBA-në — kështu deklaroi presidenti amerikan, Donald Trump në një intervistë të fundit për CNN, duke ndezur polemika të forta ndërkombëtare.

Sipas Trumpit, ata që ishin të përfshirë në procesin diplomatik për çështjen bërthamore midis Teheranit dhe Uashingtonit nuk janë më gjallë.

“Ata nuk vdiqën nga gripi apo COVID-19,” shtoi Trump me një ton sarkastik, duke lënë të kuptohet qartë se bëhet fjalë për operacione të drejtpërdrejta ushtarake ose të inteligjencës nga ana e Izraelit.

🚨 Israel has eliminated all Iranian negotiators who had been involved in talks with the U.S. That’s according to President Donald Trump in an interview with CNN. “And they didn’t die of the flu or COVID,” the U.S. president added sarcastically. pic.twitter.com/XakE4lTmNZ

Deklarata vjen në një moment kritik, ku tensionet mes Iranit dhe Izraelit kanë arritur nivele të paprecedent, me shkëmbime të rënda raketash dhe sulme ajrore që kanë rezultuar në dhjetëra të vrarë dhe qindra të plagosur në të dyja anët.

Kjo gjithashtu vë në pikëpyetje të ardhmen e çdo përpjekjeje për rifillimin e bisedimeve diplomatike për programin bërthamor të Iranit.

Zyrtarë nga Teherani ende nuk kanë reaguar zyrtarisht ndaj deklaratës së Trumpit, por komentet pritet të nxisin reagime të ashpra nga udhëheqësit iranianë dhe komuniteti ndërkombëtar.

Situata vazhdon të jetë e pasigurt dhe me potencial të lartë për përshkallëzim të mëtejshëm në rajon. /Telegrafi/