Zjarri i madh që shpërtheu të shtunën mbrëma në zonën e Oreokastros, pranë Selanikut, është vënë nën kontroll dhe nuk ka më fronte aktive.
Autoritetet greke bëjnë të ditur se ekipet e zjarrfikësve po vazhdojnë punën për shuarjen e vatrave të mbetura, kryesisht në dy fabrika të përfshira nga flakët – një fabrikë tekstili dhe një fabrikë riciklimi, ku janë shkaktuar dëme.
Sië shkruan abcnewsal , në operacion janë angazhuar rreth 160 zjarrfikës me 52 automjete, si dhe mjete ajrore, ndërsa katër zjarrfikës janë dërguar për trajtim në spital.
Megjithëse situata është stabilizuar, një re e madhe tymi i zi vazhdon të mbulojë pjesë të Selanikut dhe të jetë e dukshme nga kilometra larg, ndërsa në disa zona është ndjerë edhe era e plastikës së djegur.
