Rubio: Irani po ‘përpiqet ta mbajë peng botën’ me sulme ajrore

Sekretari i Shtetit i ShBA-së, Marco Rubio, akuzoi Iranin se po e merr botën “peng” përmes sulmeve të tij hakmarrëse dhe këmbënguli se Shtetet e Bashkuara ishin në rrugën e duhur me objektivat e tyre të luftës.

“Mendoj se të gjithë po e shohim tani kërcënimin që ky regjim klerikal paraqet për rajonin dhe për botën. Ata po përpiqen ta mbajnë peng botën”, tha Rubio në një aktivitet në Departamentin e Shtetit.

Rubio tha se SHBA-të janë “në rrugë të mbarë” për të shkatërruar aftësinë e Iranit për të kërcënuar fqinjët e tij dhe botën me raketa, duke shtuar se qëllimi i sulmeve ajrore të vazhdueshme është eliminimi i rezervave të raketave balistike të Iranit, aftësia e tij për t’i prodhuar ato dhe aftësia e tij për t’i lëshuar ato.

“Jemi në rrugën e duhur për të arritur këtë objektiv”, tha ai, duke shtuar se kjo po bëhet “me forcë të madhe, me saktësi të madhe”.

Irani ka vazhduar të nisë sulme ajrore ndaj Izraelit dhe vendeve anembanë Gjirit, të cilat strehojnë baza ushtarake amerikane në ditën e 10-të të luftës.