Tragjedi në Orikum, dyshohet se burri vrau gruan më pas veten

Një ngjarje e rëndë familjare ka tronditur këtë të premte qytetin e Orikumit, ku një çift bashkëshortësh është gjetur i pajetë në banesën e tyre.

Siç raporton Euronews viktima është Sose Xhebro, rreth 40 vjeçe, e cila dyshohet se ka humbur jetën si pasojë e mbytjes.

Hetuesit nuk përjashtojnë mundësinë që vdekja të jetë shkaktuar nga bashkëshorti i saj, Llogora Xhebro.

Burime nga policia bëjnë me dije se dyshohet se pas vrasjes së gruas, Llogora Xhebro mund të ketë vrarë veten. Rrethanat dhe dinamika e ngjarjes mbeten ende të paqarta dhe po hetohen nga autoritetet.

Policia ndodhet në vendngjarje dhe po kryen veprimet procedurale për të zbardhur shkaqet e kësaj tragjedie.