Trump thotë se Izraeli ka rënë dakord me kushtet për armëpushim 60-ditor në Gaza

Izraeli ka rënë dakord për “kushtet e nevojshme” për të finalizuar një armëpushim 60-ditor në Gaza, tha Presidenti i SHBA-së Donald Trump.

Në një postim në Truth Social, Trump tha se SHBA-të do të “punojnë me të gjitha palët për t’i dhënë fund Luftës”. Ai nuk dha detaje mbi armëpushimin e propozuar.

“Shpresoj… që Hamasi ta pranojë këtë Marrëveshje, sepse nuk do të përmirësohet – DO TË PËRKËQENOHET VETËM”, shkroi Trump.

Izraeli nuk e ka konfirmuar se është pajtuar me kushtet. Një zyrtar i Hamasit i tha BBC-së se grupi ishte “i gatshëm dhe serioz” për të arritur një marrëveshje nëse do t’i jepte fund luftës.

Një zyrtar palestinez i njohur me negociatat e Hamasit me ndërmjetësit i tha BBC-së se propozimi nuk ofronte ndryshime thelbësore në krahasim me një ofertë të mëparshme që grupi e hodhi poshtë në qershor, ka raportuar BBC