Lautaro Martinez këmbëngul se ai “kishte vërtet nevojë për një trajner si Cristian Chivu” te Interi dhe bën shaka duke thënë se “marr më shumë përqafime prej tij sesa nga gruaja ime”.
Mediet u përpoqën të nxisnin zëra për tension pas skenave kur kapiteni u zëvendësua herët gjatë humbjeve ndaj Milanit dhe Atletico Madrid javën e kaluar.
Sulmuesi u përgjigj ndaj kritikave duke shënuar dy gola në një fitore shumë të nevojshme në transfertë kundër Pisës, duke këmbëngulur se marrëdhënia me trajnerin është shumë e mirë.
“Është fantastike, flasim çdo ditë, ai gjithmonë na përqafon, ndoshta edhe shumë,” tha me të qeshur Lautaro Martinez për Sky Sport Italia gjatë ceremonisë Gran Gala del Calcio.
“Marr më shumë përqafime prej tij sesa nga gruaja ime, por ky është stili i tij. Është kënaqësi, sepse ai e ka përjetuar si është të jesh lojtar në atë dhomat e zhveshjes dhe i kupton të gjitha. Kishim nevojë për një trajner si ai, sepse na jep liri, besim dhe na thotë se duhet ta tregojmë cilësinë tonë në fushë. Jam i lumtur me mënyrën si ka nisur aventura e tij te Interi. Grupi është mbi të gjitha, kjo është gjëja më e rëndësishme për të gjetur energji të freskët dhe për të provuar të fitojmë trofe. Nuk jemi të gjithë miq, por gjithsesi kemi marrëdhënie të mira. Interi duhet të përpiqet të shkojë deri në fund në çdo kompeticion”, tha ai.