Lionel Messi është nderuar me një homazh të jashtëzakonshëm në vendlindjen e tij, teksa në qytetin Cutral Co në Patagoni është zbuluar një statujë gjigante prej 26 metrash (85 këmbë), e dedikuar legjendës argjentinase.
Statuja monumentale peshon rreth 70 tonë çelik dhe është punuar për 18 muaj nga skulptori Aldo Beroisa, i cili ka kapur një nga momentet më ikonike të Messit – gjunjëzimin e tij pas triumfit të Argjentinës në Kupën e Botës 2022 në stadiumin Lusail.
“Për mua ai është ambasadori natyral i Argjentinës. Ishte shumë e rëndësishme ta realizoja këtë vepër, jo vetëm si artist, por edhe si argjentinas”, deklaroi Beroisa.
VIDEO
Statuja e re paraqet Messin duke mbajtur fanellën e Kombëtares dhe duke treguar drejt qiellit, një gjest që ai shpesh ia dedikon gjyshes së tij të ndjerë. Qyteti i vogël i Cutral Co, i njohur më shumë për industrinë e naftës sesa për turizmin, ka parë rritje të vizitorëve që nga inaugurimi i monumentit.
Ky projekt e tejkalon edhe një tjetër homazh të madh për Messin, një statujë 21 metra e vendosur më parë në Kolkata të Indisë, e cila u hoq për arsye sigurie pasi ishte konsideruar e paqëndrueshme në erë.