Abdixhiku: I ka ardhë koha dhe Deçanit t’i bashkohet vargut të Dukagjinit me LDK-në

Kryetari i LDK-së, Lumir Abdixhiku, ka qenë prezent në tubimin rradhës të fushatës për zgjedhjet lokale në Deçan, shkruan GazetaDemos.

Përmes një Facebook, ai ka theksuar se në sallën e mbushur përplot, mes entuziazmit të madh, u bë e qartë se në këtë qytet me histori të lavdishme e me njerëz krenarë, po ndizet zëri i fitores për LDK-në.

“Peja po. Istogu po. Juniku po. I ka ardhë koha dhe Deçanit t’i bashkohet vargut të Dukagjinit me LDK-në. Kandidati ynë, Jeton Mushkolaj, së bashku me ekipin e tij, janë gati ta kthejnë besim qytetar në punë konkrete: zhvillim për qytetin, mbështetje për çdo lagje, dhe respekt për secilin qytetar”, ka thënë Abdixhiku.

Tutje, ai u shpreh se Deçani meriton më shumë se kaq, meriton një qeverisje të përgjegjshme, një udhëheqje të afërt me njerëzit, një udhëheqje që krijon të ardhme për rininë e familjet e asaj ane.

Postimi i plotë:

Sonte ishim në Deçan.

Në sallën e mbushur përplot, mes entuziazmit të madh, u bë e qartë se në këtë qytet me histori të lavdishme e me njerëz krenarë, po ndizet zëri i fitores për lidhjen tonë.

Peja po.

Istogu po.

Juniku po.

I ka ardhë koha dhe Deçanit t’i bashkohet vargut të Dukagjinit me LDK-në.

Kandidati ynë, Jeton Mushkolaj, së bashku me ekipin e tij, janë gati ta kthejnë besim qytetar në punë konkrete: zhvillim për qytetin, mbështetje për çdo lagje, dhe respekt për secilin qytetar.

Deçani meriton më shumë se kaq. Meriton një qeverisje të përgjegjshme, një udhëheqje të afërt me njerëzit, një udhëheqje që krijon të ardhme për rininë e familjet e kësaj ane. Dhe këtë udhëheqje do ta ketë vetëm me LDK-në.

Faleminderit Deçan për pritjen madhështore!

Le të fitojmë!