Kryetari i Aleancës, Ardian Gjini, ka shpjeguar arsyet e refuzimit të takimit me kryeministrin në detyrë, Albin Kurti, duke thënë se partia e tij nuk ka synim të bëhet pjesë e qeverisë.
Në emisionin “Rubikon” në Klan Kosova, Gjini deklaroi se qëndrimi i Aleancës është i qartë dhe se qëllimi i tyre nuk është marrja e posteve qeveritare, por vendosja e peshës së tyre politike në shërbim të qytetarëve.
“Duhet ta dini që premisat janë të qarta për ne. Ne nuk kemi synim të jemi pjesë e qeverisë. Mendojmë se kjo nuk është e mirë dhe insistojmë që peshën tonë politike ta vendosim në interes të qytetarëve”, u shpreh Gjini.
Ai e kritikoi qeverisjen aktuale, duke e cilësuar si “brutale”, ndërsa tha se Aleanca ka propozuar disa pika që, sipas tij, do të mund ta ndihmonin Kosovën të dilte nga kriza.
