Lahi Brahimaj nga AAK e ka konfirmuar se nuk do të jetë pjesë e listës së AAK-së për zgjedhjet e 7 qershorti.
Ai ftoi qytetarët që të vazhdojnë përkrahjen e tyre për AAK-në.
“Të dashur qytetarë të Kosovës,
Me shumë prej jush kemi rrugëtuar së bashku edhe në ditët më të vështira, por gjithmonë për të mirën e Kosovës.
Përmes këtij postimi dua t’ju njoftoj se nuk do të jem pjesë e kësaj gare zgjedhore, por kjo nuk do të thotë që kontributi im për vendin ndalon këtu.
Ju ftoj të gjithëve, që më keni përkrahur aq shumë ndër vite, që edhe kësaj radhe ta shprehni vullnetin dhe mbështetjen tuaj për AAK-në, kryetarin Ardian Gjini dhe liderin tonë Ramush Haradinaj.
I juaji,
Lahi Brahima” , shkroi ai në “Facebook”.
