Grabitje në një lokal Gjakovë, ‘avullohet’ sasi e madhe e arit

Një grabitje e armatosur ka ndodhur në një lokal në Gjakovë, ku dy persona të dyshuar, kanë marrë një sasi të madhe ari.

Sipas raportit 24-orësh të Policisë së Kosovës, rasti është raportuar dje pasdite.

Dy viktimat, një burrë dhe një grua, kanë deklaruar se derisa ndodheshin në vendin e punës, aty kanë hyrë të dyshuarit, njëri prej të cilëve ishte me armë të gjatë, e tjetri me një çekan.

Rasti është duke u hetuar nga Policia, ndërsa të dyshuarit janë arratisur.

"Dy viktimat një mashkull dhe një femër kosovare kanë raportuar se derisa kanë qenë në vendin e punës, kanë hyrë dy persona të dyshuar dhe të armatosur njëri me armë të gjatë e tjetri me një çekan dhe pasi kanë thyer dollapët kanë marrë një sasi të madhe ari."