Kryetari i AAK-së, Ramush Haradinaj, ka deklaruar se partia e tij kishte paralajmëruar muaj më parë se vendi po rrezikonte të futej në një bllokadë të thellë institucionale dhe sipas tij, kjo tashmë ka ndodhur.
“AAK e ka parë rrezikun dhe e ka dërguar çështjen për interpretim në Gjykatën Kushtetuese. Vendimet e para dhe të dyta të Gjykatës kanë ofruar një model për dalje nga bllokada, dhe ne kemi qenë në përkrahje të plotë të tyre. Kjo ka qenë përgjegjësia jonë dhe ne e kemi përmbushur,” ka thënë Haradinaj.
I plotë;
AAK e ka vërejtur muaj më parë që vendi po hyn në bllokadë të thellë institucionale dhe kjo ka ndodhur. Duke e parë këtë rrezik katastrofik për vendin, AAK e ka dërguar kërkesën për interpretim në Gjykatën Kushtetuese dhe ajo, me vendimin e saj të parë dhe të dytë, e ka vendosur modelin e daljes nga bllokada dhe ne jemi pozicionuar pro vendimit të Gjykatës. Kaq ka qenë përgjegjësia jonë dhe kaq kemi bërë.
Veç Lumir Abdixhiku me të tijët, janë betonuar pro kësaj bllokade. Lumiri ka vendnumëruar në vazhdimësi dhe po vazhdon të vendnumërojë ende.
Vazhdo të vendnumërosh se kjo të shkon për shtati ty, Lumir!
