Drejtoresha e Investimeve Kapitale në Prishtinë, Zyhrije Pllana ka bërë të ditur se sot ka nisur prerja e shtresës së asfaltit në segmentin e dëmtuar të rrugës “Holger Pedersen”.
Sipas saj, nesër do të nisë demolimi i shtresës së dëmtuar, ndërsa më pas do të fillojë sanimi i gypit të kanalizimit.
“Sot jemi duke e prerë shtresën e asfaltit. Nesër fillon demolimi i shtresës së dëmtuar në atë segment dhe, pas demolimit, do të fillojë edhe sanimi i gypit të kanalizimit, gjë që janë hapur disa puseta, po nuk kanë pasur ndonjë zgjidhje, kështu që duhet të hapet kanali për ndërrim të gypit të kanalizimit dhe të vendoset i ri.
Shpresoj që deri në fund të javës të përfundojë sanimi i kanalizimit dhe të bëhet edhe trajtimi i rrugës”, tha drejtoresha në një përgjigjje për gazetarin Burim Pacolli
