Avokati Nazim Mehmeti, ka shprehur shqetësimin e tij në lidhje me mos-konstituimin e Kuvendit.
Në Rubikon të Klan Kosova, ai tha se sonte “ne nuk kemi shtet” dhe se në rast se dikush na sulmon, “nuk kemi komandant suprem për t’i dhënë urdhër FSK-së që të dalë e të veprojë në mbrojtje të vendit.
“Ne sonte nuk kemi as president, as kryeministër, as U.D. të kryeministrit. Në momentin që Albin Kurti e ka dhënë betimin si deputet, automatikisht i bjen funksioni i U.D. të kryeministrit. Dhe sonte nuk kemi as kryetar kuvendit, e kemi vetëm një menaxher të Kuvendit, si rasti i Avni Deharit”, deklaroi Mehmeti.
“Faktikisht ne sonte s’kemi shtet, s’kemi institucione, s’kemi kupolë të shtetit. Nuk e kemi Presidenten e Kosovës. Në rast se më e keqja me bë vaki sonte me na sulmu dikush, një shtet fqinj po supozojmë, një dron vjen nga shteti fqinj, nga shteti armik serb, ne nuk kemi komandant suprem i cili i jep urdhrin FSK-së me dalë me vepruar dhe me mbrojt vendin. Nuk e di kush jep sonte urdhrin në Kosovë faktikisht”, deklaroi Mehmeti.
Ai tha se vendi sonte nuk ka komandant suprem.
“Është Kushtetuta e Republikës së Kosovës, neni 72, papajtueshmëria. E diskutuam më parë me gjyqtaren. Deputeti i Kuvendit të Kosovës nuk mund të mbajë ndonjë post në asnjë mënyrë. Në momentin që e jep betimin, ai e ka dhënë betimin, dhe në momentin që e ka dhënë betimin, i ka pushuar funksioni i ushtrueses së detyrës së presidentit të Republikës së Kosovës. Në qoftë se ajo s’e kish dhënë betimin, ajo ish mbetur ushtruese e detyrës, por jo më shumë se gjashtë muaj ditë. Në moment që e ka dhënë betimin për deputete, dhe ka thënë ‘në emër të popullit të Kosovës, në emër të qytetarëve, betohem se do ta ushtrojë detyrën e deputetit të pavarur dhe në interes të qytetarëve’, ajo nuk ka më punë në pjesën e domenit të presidentes”.
