Me të ardhur stina verore, në Kosovë vijnë edhe bashkëatdhetarët nga vendet e ndryshme të botës, të cilët ndonëse për vite me radhë jetojnë e veprojnë larg atdheut, destinacioni i tyre I përhershëm për t’i kaluar pushimet vjetore mbetet vendlindja.
Për t’i uruar mirëseardhje dhe pushime të këndëshme, kompania “Sach Caffe” ka ndërmarr një aksion simbolik.
Në pikën kufitare në Merdare, “Sach Caffe” ka vendosur që të dhurojë falas ujë, kafe dhe pije të ftohta për të gjithë mërgimtarët që hyjnë në Kosovë.
Elma Adema, menaxherja e pikës së “Sach Caffe-s”, në Podujevë në një prononcim për GazetënDemos, tha se aksioni i tillë funksionon tash e sa vite i cili për qëllim ka mikpritjen e mërgimtarëve.
“Sot jemi këtu për t’i treguar traditën tonë ku ndër vite orfojmë pije falas. Qllimi ynë është që t’i ofrojmë mikpritje mërgimtarëve, duke marr parasysh që presin me orë të tëra në kufij. Për mikpritje e kemi vendosur “Sach moto-n”, të cilën e vendosim edhe gjatë dimrit për mikprijen e mërgimtarëve”, tha ajo.
Qindra mërgimtarë pranuan me kënaqësi pijet freskuese të “Sach Caffe-s”, të cilët I falenderuan përzemërsisht për këtë aksion.
