Kryetari i Prishtinës, Përparim Rama, ka përkujtuar Nënën Terezë në përvjetorin e vdekjes së saj, duke thënë se ajo është simboli më i fuqishëm shqiptar i dashurisë, paqes dhe shërbimit ndaj njerëzimit.
Rama ka shtuar se, trashëgimia e saj na kujton se madhështia e vërtetë qëndron në mirësi, përkushtim dhe dashuri ndaj tjetrit.
Postimi i plotë:
Nënë Tereza është simboli më i fuqishëm shqiptar i dashurisë, paqes dhe shërbimit ndaj njerëzimit.
Në Katedralen “Shën Nënë Tereza”, përkujtuam jetën dhe veprën e saj të jashtëzakonshme, përmes së cilës preku ndërgjegjen e mbarë botës dhe u dha zë, shpresë e dinjitet atyre që ishin harruar.
Trashëgimia e saj na kujton se madhështia e vërtetë qëndron në mirësi, përkushtim dhe dashuri ndaj tjetrit.
Kryeqyteti e ruan me krenari emrin dhe kujtimin e saj!
