Kandidati i PDK-së për kryetar të Lipjanit, Shukri Buja, është takuar sot me Kryetarin e Sindikatës Komunale të Arsimit Parauniversitar në Lipjan, Emrush Ahmeti, me të cilin ka diskutuar për sfidat dhe mënyrat për t’i tejkaluar ato .
Përmes një postimi në Facebook, ai është zotuar se në mandatin e tij si kryetar i Lipjanit, punëtorët e arsimit do të marrin kompensimet e tyre sipas kontratës kolektive.
Postimi i tij i plotë:
Punëtorët e arsimit do të marrin kompensimet e tyre sipas kontratës kolektive
Takim me Kryetarin e Sindikatës Komunale të Arsimit Parauniversitar në Lipjan, z. Emrush Ahmeti, ku diskutuam për sfidat me të cilat ballafaqohen punëtorët e arsimit dhe për mënyrat konkrete të tejkalimit të tyre.
Zotohem se, në mandatin tim si Kryetar i Komunës së Lipjanit, të gjitha obligimet financiare që dalin nga marrëveshja kolektive për punëtorët arsimor, si kompensimi i shujtave ditore, i shpenzimeve të udhëtimit, pagat jubilare, etj, do të realizohen me kohë, pa pasur nevojë për procese gjyqësore dhe vonesa shumëvjeçare.
Po ashtu, do të vendosim një dialog të hapur social dhe të qëndrueshëm me sindikatën e arsimit, me qëllim që të krijojmë kushte më të mira pune për mësimdhënësit tanë dhe të avancojmë pozitën e tyre të merituar në shoqëri
