Një sulmues i armatosur me thika sulmoi një roje jashtë Ambasadës së Izraelit në Beograd dhe u vra pak pas mesnatës së të mërkurës, njoftoi policia serbe.
Ministri i Brendshëm i Serbisë, Ivica Daçiq, deklaroi se policia po e trajton incidentin si një “sulm terrorist”, ka ngritur nivelin e kërcënimit terrorist në shkallën më të lartë dhe ka shtuar praninë policore në vendet kyçe.
Ai tha se sulmuesi ishte i mitur dhe kishte me vete dy thika, raporton Associated Press.
