Boksieri shqiptar Arigon Avdimetaj do të bëjë hapin e madh në karrierën e tij, duke debutuar në boksin profesionist më 25 prill në Hasselt të Belgjikës.
Avdimetaj, tashmë 21-vjeçar, ka një histori të veçantë jetësore. Ai ka shkuar në Belgjikë në moshën 5-vjeçare dhe për rreth 10 vite ka jetuar në kushte të vështira, pa dokumente dhe duke punuar në të zezë, deri sa më në fund arriti të sigurojë statusin e rregullt.
Rrugëtimi i tij në boks nisi në moshën 14-vjeçare, i frymëzuar nga vëllai i tij që tashmë ishte aktiv në këtë sport. Që nga atëherë, Avdimetaj ka zhvilluar rreth 70 ndeshje, ku më shumë se gjysma i ka realizuar si pjesë e ekipit kombëtar të Belgjikës.