Sigal Prishtina ka arritur të shënoj fitore të ngushtë me rezultat 79-77 ndaj Bashkimit në kuadër të xhiros së pestë në elitën e basketbollit kosovar.
Kryeqytetasit e nisën takimin për mrekulli dhe e mbyllën pjesën e parë në epërsi me rezultat 45-38
Bashkimi u këndell në dy periudhat tjerë dhe riktheu epërsinë por në fundin e ndeshjes, bardhekaltrit ishin më të koncetruar dhe ia arritën të dalin triumfues në këtë takim.
Gjuajtjet e lira ishin pika e dobët e Bashkimit në këtë ndeshje.
Më i dalluari në fitoren e Prishtinës ishte Vincent Golson me 30 pikë të shënuara. Me pikë dyshifrore luajtën edhe Dawkins 14 e Hankins 10 sosh.
Tek Bashkimi më të dalluarit ishin Shannon Shorter me 19 pikë dhe Lejson Zeqiri e Adrio Bailey që shtuan nga 15 sosh secili.
Kjo është disfata e parë e Bashkimit këtë edicion pas katër fitoreve rresht, derisa Prishtina numëron tri fitore e dy humbje.
Sigali ndeshjen e ardhshme e luan ndaj rivalit lokal Borës, ndërsa Bashkimi takohet me Pejën
