LPK përshëndet arritjen e kompromisit për Presidentin e Republikës së Kosovës: Ngërçi politik i deritanishëm ishte tejet iracional

Partia Lëvizja Popullore e Kosovës ka përshëndetur arritjen e kompromisit për Presidentin e Republikës së Kosovës, shkruan GazetaDemos.

"LPK-ja, në cilësinë e themeluesit të UÇK-së, me luftën e së cilës u finalizua pavarësia e Republikës së Kosovës, përgëzon arritjen e kompromisit për Presidentin e Republikës së Kosovës ndërmjet LDK-së dhe LV-së", thuhet në komunikatën e tyre.

Njoftimi i plotë:

LPK përshëndet arritjen e kompromisit për Presidentin e Republikës së Kosovës

LPK-ja, në cilësinë e themeluesit të UÇK-së, me luftën e së cilës u finalizua pavarësia e Republikës së Kosovës, përgëzon arritjen e kompromisit për Presidentin e Republikës së Kosovës ndërmjet LDK-së dhe LV-së.

Ngërçi politik i deritanishëm ishte tejet iracional, veçanërisht në një kohë kur rrethanat gjeopolitike përkojnë me tensione politiko-ushtarake edhe përtej rajonit tonë.

Prandaj, arritja e konsensusit për Presidentin, në këto rrethana, është më se e dobishme për të gjithë qytetarët e Republikës së Kosovës.

LPK-ja, krahas përgëzimit për këtë konsensus, uron që sa më parë të konstituohen institucionet kyçe të Republikës së Kosovës: Kuvendi, Qeveria dhe institucionet e tjera shtetërore.

Prishtinë, 31.08.2026

Këshilli Koordinues i LPK-së

Koordinator, Esat Halilaj