Një tjetër letër e Arlinda Zekajt drejtuar institucioneve të vendit, është publikuar gjatë së dielës, kur janë bërë një javë nga vrasja e saj nga ish-kunati, Albert Sylaj.
Për dhunën e ushtruar ndaj Zekajt, që përfundoi me vrasjen mizore të saj, është arrestuar edhe ish-bashkëshorti, Jeton Sylaj dhe ndaj të dy vëllezërve është caktuar masa e paraburgimit prej një muaji.
Derisa, ky rast ka zgjuar reagime të shumta, si pasojë e mostrajtimit të duhur nga organet e hetuesisë e drejtësisë, të tjera komunikime, të tashmë të ndjerës, vazhdojnë të dalin ne dritë.
Natyra Kuçi, ka postuar një letër tjetër që Arlinda Zekaj i ka drejtuar gjyqtarit Migjen Kastrati.
Në letër, Zekaj i lutet gjykatësit që të gjejë kohë për të caktuar urdhrin mbrojtës për të dhe për caktimin e kujdestarisë për djalin e saj.
